Gobernador ta ricibi Historiado di Arkitectura y Cultura como tambe autor
ORANJESTAD - Gobernador di Aruba, S.E. Alfonso Boekhoudt, a ricibi Sra. Olga van Klooster, Historiado di Arkitectura y Cultura como tambe autor, pa un audiencia diahuebs 15 di januari ultimo.
E audiencia tabata dedica primordialmente na e presentacion di e prome ehemplar di su buki, 'Niets zal ik onbeproefd laten, De Caribische erfgoedcollecties van Anton van Koolwijk: dienaar van God, de wetenschap en de Nederlandse Staat' pa cual el’a realisa diesdos aña di investigacion entre otro na Archivo Nacional Aruba.
Sra. Van Klooster tambe ta co-autor di obranan publica anteriormente manera ‘Bouwen op de Wind, Architectuur en Cultuur van Aruba’ y ‘Monumentengids Aruba’.
Potret: © Kabinet Gouverneur Aruba
