Gobernador ta ricibi e Presidente nobo di e Corte Comun di Husticia di Aruba, Curaçao, Sint Maarten, y di Bonaire, Sint Eustatius y Saba

ORANJESTAD - Dialuna mainta dia 8 di juni Gobernador di Aruba, S.E. Alfonso Boekhoudt, a ricibi Sr. Sigmar Carmelia, e Presidente nobo di e Corte Comun di Husticia di Aruba, Curaçao, Sint Maarten, y di Bonaire, Sint Eustatius y Saba.

Sr. Carmelia tabata acompaña pa Sr. Martin Luttge, Director di Operacion, y Sra. Kyra de Koeijer, Secretario di Hunta.

E audiencia tabata enfoca principalmente riba cera conoci cu otro.

Sr. Carmelia tabata un miembro (suplente) di e Corte Comun for di 2014. Prome cu esey, e tabata hues suplente/hues di corte na e Corte di Gelderland (Hulanda), abogado, y consehero huridico na e Instituto di Derechonan Humano di Hulanda.

Potret: © Kabinet Gouverneur Aruba

Gobernador di Aruba, S.E. Alfonso Boekhoudt, ta ricibi Sr. Sigmar Carmelia, e Presidente nobo di e Corte Comun di Husticia di Aruba, Curaçao, Sint Maarten, y di Bonaire, Sint Eustatius y Saba.