Gobernador ta ricibi e Grupo di expertonan tocante e deficit democratico den Reino
ORANJESTAD - Dialuna 22 di juni ultimo, e Gobernador di Aruba, Su Excelencia Alfonso Boekhoudt, a ricibi e Grupo di expertonan tocante e deficit democratico den Reino pa un audiencia na Cas Ceremonial di Gobernador.
Presente durante e reunion tabata dr. Aubrich Bakhuis - miembro na nomber di Corsou y Presidente, prof. dr. Leonard Besselink - miembro na nomber di Hulanda, mr. Johan Sjiem Fat - miembro na nomber di Aruba, dr. Rachnilda Arduin - miembro na nomber di Sint Maarten y secretario Gytha Boerwinkel LLM.
E Grupo di exspertonan tocante e deficit democratico den Reino ta un grupo di investigacion di expertonan independiente, mandato pa e Interparlementair Koninkrijksoverleg (IPKO). Na encargo di IPKO, nan ta inventarisa y analisa proposicionnan nobo y existente pa reduci e deficit democratico dentro di Reino.
Durante e siman aki, e grupo di expertonan lo haci un biahe di trabou pa e paisnan Caribense di Reino. E biahe aki ta enfoca riba cera conoci cu otro, pero tambe riba colecta informacion pa yuda den e investigacion.
Potret: © Kabinet Gouverneur Aruba
