Gobernador ta ricibi director ehecutivo (bewindvoerder) na IMF
E file aki ta den archivo.
ORANJESTAD - Riba 13 di mei 2024, Gobernador di Aruba, Su Excelencia Alfonso Boekhoudt, a tene un reunion na Cas Ceremonial di Gobernador cu Sr. Paul Hilbers, director ehecutivo (bewindvoerder) na International Monetary Fund (IMF).
Reino Hulandes y Belgica ta comparti un asiento den directiva di IMF. Cu e asiento aki, ta representa un grupo electoral cu inclui, entre otro, Bulgaria, Israel y Ukraina. Sr. Hilbers ta den e posicion aki for di 1 di november 2020.
Den e reunion cu Gobernador, nan a discuti desaroyo macro-economico di Aruba y e relacion entre IMF y Aruba. Sr. Hilbers a ser acompaña pa su colega Sra. Carlijn Eijking durante e reunion aki.
Potretnan: © Kabinet Gouverneur Aruba