Gobernador ta ricibi consehonan di Division Consultativo di Conseho di Estado di Reino
ORANJESRAD – Riba 18 di october 2024, Gobernador di Aruba, Su Excelencia Alfonso Boekhoudt, a ricibi e ‘conseho di propio iniciativa’ di e Vice Presidente di Conseho di Estado di Reino, Thom de Graaf, cu e Section Consultativo di ‘Conseho di Estado’ di Reino a lansa na ocasion di e di 70 aniversario di Statuut pa Reino Hulandes.
E Statuut ta e base di e orden huridico den Reino y ta regla e relacionnan entre e paisnan cu conhuntamente ta forma Reino Hulandes. E conseho ta formula principionan y recomendacionnan cu por contribui na cooperacion y relacionnan entre e paisnan. E Vice Presidente di Conseho di Estado di Reino a wordo acompaña durante e audiencia na Gobernador pa Consehero di Estado di Reino pa Aruba, Andy Lee, y consehero Ron van der Veer.
Por lesa e consehonan di Division Consultativo di Conseho di Estado di Reino, incluyendo un resumen na Papiamento, aki.
Potretnan: © Kabinet Gouverneur Aruba