Gobernador ta bishita Stichting Algemene Bejaardenzorg Aruba (S.A.B.A.)
ORANJESTAD - Diahuebs mainta dia 29 di januari ultimo, Gobernador di Aruba, Su Excelencia Alfonso Boekhoudt, a bishita e cas di cuido di Stichting Algemene Bejaardenzorg Aruba (S.A.B.A.) na Oranjestad.
Durante e bishita di trabou, Gobernador a ricibi un recorido y un presentacion riba e metodonan di trabou di S.A.B.A., y a enfatisa riba e importancia di cuido pa e adultonan mayor na Aruba.
S.A.B.A. ta responsabel pa e cuido diario di e residentenan. Asina famianan por sigui traha y contribui na e economia di Aruba, sabiendo cu nan sernan keri ta safe y ta hayando e sosten adecua.
S.A.B.A. tambe ta crea oportunidad pa studiantenan siña, crece y construi lasonan intergeneracional, cu ta fortalece cuido pa futuro.
Potretnan: © Kabinet Gouverneur Aruba