Gobernador ta bishita e edificio nobo di oficina di Utilities Group
ORANJESTAD - Diahuebs dia 1 di october, Gobernador di Aruba, Su Excelencia Alfonso Boekhoudt, a bishita e edificio nobo di oficina di Utilities Group na Italiëstraat na Oranjestad.
Durante e bishita aki, Sr. Joseph Everon, Managing Director di Utilities Aruba N.V., a duna un presentacion na nomber di tur e miembronan di directiva presente di Utilities Group tocante e progreso cu ta haci den e transicion energetico na Aruba. E transicion aki a ricibi un impulso significante danki na e subsidio maximo di 53 miyon euro cu gobierno Hulandes a pone disponibel pa inversionnan den conexionnan di e red, refuerso di e red y tambe den deposito di energia den baterianan.
WEB Aruba N.V., N.V. ELMAR, AWSS N.V. y Utilities Aruba N.V. ta forma hunto e Utilities Group.
E potretnan ta duna un impresion di e bishita.
Potretnan: © Kabinet Gouverneur Aruba