Gobernador interino a ricibi un delegacion di Fondo Monetario Internacional (IMF).

ORANJESTAD -Diahuebs 2 di october ultimo, Gobernador interino di Aruba, S.E. Agustin Vrolijk, a reuni cu un delegacion di Fondo Monetario Internacional (IMF). 

Presente na e reunion tabata Sr. Marco Arena, Sr. Justin Thyme, Sra. Olga Bespalova y Sr. Michiel van Aarnhem.

E delegacion di IMF ta na Aruba di 23 di september te cu 6 di october como parti di un “Mision di articulo IV”, cu ta enfoca riba e desaroyonan fiscal, monetario, y economico actual y den futuro. Regularmente IMF ta ehecuta misionnan na varios estado di nan miembronan. Esakinan ta estudionan real basa riba e salud economico di e pais concerni.

Potret: © Kabinet Gouverneur Aruba

Gobernador interino di Aruba, S.E. Agustin Vrolijk, ta reuni cu un delegacion di Fondo monetario Internacional (IMF).