Gobernador Boekhoudt y Minister di Husticia a bishita KIA
ORANJESTAD - Diahuebs 21 di maart 2024, Gobernador di Aruba S.E. Alfonso Boekhoudt y Minister di Husticia y Asunto Social sr. RoccoTjon, hunto cu a haya un recorido amplio na Instituto Coreccional di Aruba (KIA), pa wak e diferente inversionnan cu a haci recientemente.
Prome cu e recorido a haya un presentacion di e desaroyonan actual. Esunnan mas remarcabel ta
cu dentro di poco lo bay traha cu personal fiho na e "jeugd afdeling" y tambe lo inicia cu e
proyecto di cuido forensico. Lo bay brinda mucho mas actividad na nos hobennan, despues cu a
haci un consulta (assessment) bou di tur e detenidonan pa haya sa cua curso y opleiding tin nan
preferencia. Di e forma aki lo duna miho contenido na reintegracion y resocialisacion.
Un departamento cu recientemente a haya hopi atencion y inversion ta esun medico. Di e
forma aki por cumpli cu rekisitonan y alabes mantene gastonan abou, door di brinda e cuido
necesario. Tin diferente inversion infrastructural tumando luga, pero e plan a largo plaso ta pa
yega na un instituto nobo.
Miembronan di e ekipo di maneho a duna un presentacion amplio di e avancenan den KIA, no
solamente infrastructural sino tambe pa e personal, pa yega na e "projectdossier" aki, cual Hulanda ta asistiendo cune.