Gobernador a ricibi hefe di programanan pa Caribe na United Nations Office for Project Services (UNOPS)
ORANJESTAD – Riba diahuebs dia 29 di januari, Gobernador di Aruba, Su Excelencia Alfonso Boekhoudt, a ricibi Sr. William Squier Gonzalez, hefe di programanan pa Caribe na United Nations Office for Project Services (UNOPS), pa un audiencia.
Sr. Juan Castro, gerente di proyecto na UNOPS y Sr. Rogelio Voges, specialista di asociacion y liaison na UNOPS a acompaña Sr. Squier Gonzalez.
UNOPS ta un instancia specialisa di Nacionnan Uni cu ta dedica na yuda gobiernonan y partnernan traduci acuerdonan politico den resultadonan concreto y di calidad halto, sosteniendo metanan di desaroyo sostenibel. Cu un enfoke fuerte riba implementacion, UNOPS ta sostene e ehecucion di iniciativanan compleho den e sector di infrastructura, destahonan y fortificacion institucional, incluyendo e area penitenciario.
Durante e audiencia, a elabora riba kico UNOPS por nifica pa Aruba, entre otro fortifica e estado di derecho y siguridad den Reino.
Potret: © Kabinet Gouverneur Aruba
