Gobernador a ricibi dos miembro di Stichting Monumentenfonds Aruba
ORANJESTAD - Diaranson dia 14 di januari ultimo, Gobernador di Aruba, Su Excelencia Alfonso Boekhoudt, a ricibi dos miembro di Stichting Monumentenfonds Aruba pa un audiencia.
Presente tabata director saliente Sra. Anne Witsenburg y su sucesor Sra. Petra Davis.
Durante e audiencia a enfatisa riba proyectonan di renobacion actual y den futuro di Stichting Monumentenfonds Aruba, como tambe e importancia di proteccion adecuado di herencia monumental di Aruba.
Stichting Monumentenfonds Aruba primordialmente ta enfoca riba financiamento di restauracion y mantencion di monumentonan proteha y ta un instituto financiero importante pa Aruba pa conservacion di herencia.
Potret: © Kabinet Gouverneur Aruba
