Gobernador a haci un bishita di trabou na Hulanda

E motibo di e bishita aki tabata en conexion cu e despedida di e Vice-Presidente di Conseho di Estado di Reino, Sr. Thom de Graaf, cual a tuma luga dia 30 di juni. Gobernador a presencia e reunion aki di Conseho di Estado relaciona cu e despedida di Sr. De Graaf. Tambe riba 29 di juni a tuma luga un encuentro entre Gobernadornan; un reunion periodico di e Gobernadornan di Aruba, Curaçao, y Sint Maarten y Secretario di Estado di Asuntonan di Reino y Gobierno Decisivo di Hulanda. Durante e reunion aki a trata topiconan actual cu ta concerni e paisnan Caribense y Hulanda, principalmente riba e area di e relacion den Reino.

Gobernador a cuminsa su estadia na Hulanda cu un bishita na Arubahuis. Eynan, a papia cu Minister Plenipotenciario Sra. Schwengle y cu e personal di Arubahuis. Gobernador a sigui su bishita cu un reunion cu Prome Minister di Hulanda, Sr. Jetten, Minister di Interior y Relacionnan den Reino, Sr. Heerma, Minister di Asuntonan Exterior, Sr. Berendsen, Minister di Defensa, Sra. Yeşilgöz-Zegerius, Minister di Husticia y Seguridad, Sr. Van Weel, y e Presidentenan di e Eerste y Tweede Kamer der Staten Generaal, respectivamente Sra. Vos y Sr. Van Campen. 

Por ultimo Gobernador a bishita e Capitulo pa Orden Civil na Den Haag, e institucion caminda ta revisa e proposicionnan pa un Condecoracion Real.

Durante bishitanan oficial di Gobernador Boekhoudt den exterior, Gobernador Interino di Aruba, Su Excelencia Agustin Vrolijk, ta tuma e encargo over.

Potretnan: © Kabinet Gouverneur Aruba