GKMB tin un rol crucial den salud publico
ORANJESTAD - Diaranson 7 di mei, Minister di Salud Publico, Asunto Social, Cuido di Adulto Mayor y Cuido di Adicto, drs. Mervin Wyatt-Ras, a asisti na un presentacion na Gele Koorts Muskieten Bestrijding GKMB.
GKMB ta un entidad di Gobierno importante cu resrta bou di Departamento di Salud Publico y tin e tarea pa percura pa mitiga e presencia di sangura na Aruba, specialmente e variantenan cu por ta un menasa pa salud publico. Nan ta concentra nan esfuersonan principalmente den areanan di riesgo halto di criadero pero tambe di contagio, manera den areanan hotelero, residencial y matanan di mangel.
Durante di e ultimo añanan, e cantidad di malesanan manera Chikunguña, Zika y Dengue, no tabata alarmante na Aruba, mirando e bon trabao di conscientisacion di parti GKMB, pero tambe danki na e hecho cu no tabatin hopi yobida.