Fonds Podiumkunsten (NL) ta nombra Michael Lampe como adviseur pa Caribe
ORANJESTAD – A nombra Michael Lampe, Diplomatico cultural di Aruba, como adviseur (op oproepbasis) pa e rijksfonds mas grandi di Hulanda pa arte di tarima (musica, teatro y baile), Fonds voor de Podiumkunsten.
E nombramento ta fortalece representacion di Aruba y Caribe y pa habri mas porta pa creadornan di Aruba y di nos region.
Het Fonds Podiumkunsten ta administra e subsidionan mas fundamental pa e sector creativo pa arte di tarima y tin un papel crucial den desaroyo y futuro di e arte di tarima na Hulanda y den Caribe Hulandes.
Lampe ta trahando pa fortifica e lasonan cultural den Reino y Internacionalmente. E ta conoci tambe bou su nomber artistico Fellow y Datapanik, y pa su forma artistico cu ta conecta identidad, herencia cu musica innovativo y innovacion digital. Alabes, den su rol como diplomatico cultural e ta enfoca riba diplomacia cultural, diaspora y innovacion creativo y ta creando oportunidadnan nobo pa nos talentonan di Aruba.
“E nombramento aki ta un gran honor, pero mas cu tur cos un responsabilidad. Mi lo sigui traha pa sigura cu nos Arubianonan y nos region tin su lugar den e infrastructura creativo y den decisionnan cu ta duna forma na futuro di e arte di tarima den Reino.” segun Lampe.
Pa informacion y petition www.fondspodiumkunsten.nl