Esaki ta un prueba cu e ciudadano concerni ta inscribi den e registro di nacemento di Censo, cu otro palabra cu e ta naci na Aruba riba un fecha y tempo determina y di cua e nacemento ta inscribi na Censo. Ta uza e extracto di e registro di nacemento pa:

  • peticion di matrimonio;
  • divorcio;
  • emigracion (ora ta bay inscribi na otro pais);
  • ora di pidi studiefinanciering.

Unda pa pidi'e? / Mas informacion na

Klik aki pa traha un cita afspraak maken(external link). Scoge Documenten en Inlichtingen/Aanvragen – Uittreksels/Aktes/Verklaringen. E ora ey bo ta haya un cita na oficina principal di Censo/ Registro Civil na Schoolstraat 2. Bo ta haya e extracto mesora despues di haci e pago.

Kico mi tin di hiba cu mi?

  • Mester trece cu bo un identificacion valido (paspoort, cedula of rijbewijs) pa haci peticion pa un extracto of pa ricibi e extracto;
  • Si ta haci peticion pa un extracto pa otro persona, mester tin autorisacion (machiging) por escrito di e persona. Tambe mester trece un copia di prueba di identificacion valido di e persona concerni.

Cuanto e ta costa?

  • Un extracto di e registro di nacemento ta costa Awg. 15.-;
  • Tin cu paga pa e extracto cu placa efectivo (cash) of cu un debit-card. No ta acepta otro forma di pago.

Cuanto tempo ta dura pa hay'e?

Pa haya e documento ta dura 1 siman. Mester tuma un number prome. Pa paga na e cahera si no mester di busca number.