Exposicion ‘Kinderkunst in 3D’: from design to creation
ORANJESTAD - Riba 5 di augustus, a tuma luga na Unoca un exposicion di arte tri-dimensional crea pa muchanan entre 9 y 13 aña. Durante e ultimo tres lunanan, Pieter Verduijn di Makerpedia, a duna un curso di Arte den 3D yama ‘Kinderkunst in 3D’.
Prome Minister Evelyn Wever-Croes a atende e exposicion final cu ta e celebracion di e biahe di
e alumnonan y un showcase di nan trabou. E resultado ta un exposicion impresionante di
creacion imprimi den 3D.
Educacion artistico desde hoben, ta forma mentenan flexibel, ta fomenta aspectonan
fundamental den desaroyo di un mucha y ta conduci na su crecemento personal. E ta stimula
pensamentonan original y creativo y ta laga e mucha expresa su emocionnan a traves di arte.
Arte 3D ta un dimension vibrante unda e creatividad no tin limite y asina ta aporta na
educacion artistico di e mucha. E ta consisti den siña e alumnonan crea, compronde y
aprecia obranan di arte tri-dimensional. E ta bay mas leu di un simpel dibuho of pintura
tradicional y ta inclui sculptura, ceramica, e modelo digital y animacion entre otro. E ta haci
bo mira e arte como algo experimental y interactivo. Arte 3-D ta birando un parti esencial di
enseñanza den henter mundo.
Arte ta lanta e creatividad y autoestima di e muchanan y ta laga nan sinti cu kico cu nan pone nan mente na dj’e nan por construi. Prome Minister ta felicita Pieter Verduijn y Tess Monte cu un proyecto aki, pero tambe Prins Bernhard Cultuurfonds, UNOCA Aruba y Setar pa nan
aporte na e proyecto.