Evento Ban Wiki - Con pa uza herment di traduccion - Wikipedia riba Aruba

16-09-2025, 13:40

ORANJESTAD - E team di Wikipedia riba Aruba ta presenta e evento mensual di Ban Wiki!

Por Acudi na e evento aki pa haci bo pregunta tocante e proyecto, conoce otro hende 'Wiki-minded' y cuminsa edita!

E siguiente edicion lo tuma lugar diamars 16 di september, di 5or te cu 7or di atardi, na Biblioteca Nacional Aruba, San Nicolas.

Den e edicion aki, lo siña uza e herment di traduccion pa converti articulo existente for di Ingles pa Papiamento. Participantenan lo haya un tutorial simpel paso pa paso cu conceptonan basico, conseho util y funcionnan integra pa e proceso ta mas facil y leuk. Esaki ta un entrenamento di nivel basico pa personanan cu ta djis cuminsando.

Si bo kier edita, trece un laptop of bo telefon. Sigura pa bo mes crea bo cuenta di Wikipedia prome cu e evento. Si bo no ta sigur con pa haci esaki, bo por siña mirando e video aki.

Como participante:

Bo lo yuda Papiamento bira mas fuerte;
comparti conocemento riba Wikipedia;
conoce hende nobo;
siña habilidadnan nobo.

Bo ta sinti bo inspira? Cuminsa explora Wikpedia pa articulonan cu no a traduci ainda na Papiamento!

Durante e workshop, lo tin cuminda y bebida!

Registra

Mester registra pa atende e evento aki, ya cu tin cantidad limita di asiento disponibel. Pa sigura bo luga, registra bo mes via e formulario aki.

Programa

5:00 PM - 5:30 PM: Crea un cuenta
5:30 PM - 6:30 PM: Tutorial di herment di traduccion
6:30 PM - 6:50 PM: Reflexion, algun pregunta

Bo mester di ayudo?

Con pa traduci articulonan di Wikipedia for di un idioma pa otro? Bishita nos Portal di Conocemento (Kennisplatform), caminda bo ta haya instrucción simpel y paso pa paso tocante uzo di Wikipedia y tur e hermentnan disponibel.

Tambe bo por bishita nos canal di YouTube pa haya mas informacion. Por fabor, prepara di antemano pa por participa na nos siguiente evento.

Contacto