Entrega di Registro di Personal 2025 y Necesidad di Personal 2026
ORANJESTAD – Segun artículo 28 y articulo 30 di e Ordenansa Laboral2013, tur compania ta obliga pa tene y entrega un registro di personal y un lista di personal (Arbeidslijst) na Directie Arbeid en Onderzoek (DAO).
Ta haci e entrega exclusivamente via e portal sigur LABORA di DAO. Via e portal aki, companianan por wak, cambia y registra datonan di nan empleado. Tur cambio (mutacion), manera entrada den servicio of cambio di funcion, salario of horario di trabou, mester entrega via e portal.
For di januari 2026, DAO lo acepta e registro di personal 2025 y e necesidad di personal 2026 solamente via e portal LABORA.
Companianan por entrega e datonan door di:
- Yena e formularionan digital den e portal, of;
- subi un archivo Excel (pa prome entrega of pa cambio).
Mester entrega tur cambio dentro di dies (10) dia trabou despues di e cambio. DAO lo procesa e datonan entrega dentro di cinco (5) dia di trabou.
Tambe mester entrega e necesidad di personal pa 2026 mester via e portal LABORA. Durante henter e aña, companianan por indica un necesidad nobo of haci cambio den necesidadnan cu a entrega caba.
Companianan cu ainda no tin acceso na e portal LABORA por solicita esaki via e siguiente e-mailnan:
aanvraagpr@gmail.com, simon.brete@aruba.gov.aw of louisetty.croes@aruba.gov.aw.
Formularionan y instruccionnan ta disponibel riba www.daoaruba.com.
Ta urgi tur compania pa entrega of actualisa nan datonan durante e periodo di 2 di februari 2026 te cu 31 di maart 2026 via e portal. Despues di e periodo aki lo tin control riba cumplimiento.
Incumplimento di artículo 30 di e Ordenansa Laboral 2013 por resulta den un sancion administrativo di te Afl. 5.000,-, incluyendo entrega incorrecto of incompleto di e datonan.
Pa pregunta tocante e registro di personal, por tuma contacto cu Louisetty Croes (523 7722 / louisetty.croes@aruba.gov.aw) of Simon (Oscar) Brete (523 7718 / simon.brete@aruba.gov.aw) of por yama Bureau Arbeidsmarktonderzoek via telefon 523 7720.