Entrega certificato na hobennan cu a finalisa trayecto di Formacion Social

Presente na e ceremonia tabata Prome Minister mr. Mike Eman y Minister di Salubridad, Asunto Social, Cuido di Adulto Mayor y Maneho di Adiccion, Sra. drs. Melvin G. Wyatt-Ras cu satisfaccion y un sentido profundo di orguyo, ta mira con e hobennan di Formacion Social a acepta e oportunidad cu nan a haya den bida y cu awe nan ta cosecha e fruto di nan esfuerso y sacrificio.

Formacion Social (SVT) na Aruba ta un oportunidad pa hobenan entre 17–25 aña pa forma disciplina y prepara nan pa e mercado laboral. E programa ta inclui entrenamento cu ARUMIL y stage den companianan local. A proyecto di SVT ta yuda hopi di e hobennan cu termina e trayecto aki, pa haya un trabao.

E trayecto di SVT ta parti den 2 fase:

Fase 1 (militar): Ta tuma luga na Marinierskazerne na Savaneta bou supervision di ARUMIL. Esaki ta dura mas o menos 16 siman y ta inclui entrenamento fisico, disciplina y respet.

Fase 2 (empleo/estudio): Hobenan ta haci curso y stage na companianan local. A traves di Enseñansa pa Empleo, SVT ta habri porta pa trabou of estudio.

Mas cu 80% di participantenan cu caba e programa aki ta logra haya trabou of sigui un formacion. Originalmente e programa tabata solamente pa hobennan masculino, pero awendia hobennan femenino tambe por participa di forma separa. 

Premier Eman a indica cu na momento cu a crea Formacion Social tabata hustamente pa e hobennan cu ta na un crusada den nan bida cu tin biaha ta net na momento cu nan ta haci evaluacion, refleccion of den complicacion personal cu no sa unda pa bay, ta brinda e opcion di SVT.

Hopi ta e hobennan y nan mayornan cu ta brasa e oportunidad aki cu dos man, cu resultado y significacion /influencia positivo pa proposito, vision y ambicion den nan bida. 

Gobierno a introduci e programa di Formacion Social (Sociale Vormingstraject) na Aruba na aña 2010 den cooperacion cu Ministerio di Defensa di Hulanda.