Entrante 1 di october 2025 ta obligatorio pa core cu e plachinan di number 2025-2029.

Esaki ta nifica cu e ultimo dia cu por core cu e plachinan cora cu blanco di aña 2020, ta 30 di september 2025.

DIMP ta pidi tur contribuyente cu ainda no a paga nan impuesto of no a paga e impuesto di e di dos mita di 2025, no a paga e seguro y/of no a haci un cita pa busca e plachinan, pa actua lihe.

Cuerpo di Polis lo bay intensifica e controlnan caminda cu lo controla tambe esnan cu ta core riba careteranan publico cu plachinan falso.