Ehecutivonan di FIFA a bishita Gobierno pa Proyecto di Turf pa shete veld di futbol
ORANJESTAD - Recientemente, un delegacion di FIFA y di Arubaanse Voetbal Bond (AVB) a bishita Prome Minister Evelyn Wever-Croes y Minister di Enseñansa y Deporte Endy Croes en conexion cu e fase final di e proyecto di Turf pa shete veld di futbol na Aruba.
E delegacion a consisti sr. Alastair Cox, FIFA Artificial Turf Expert, hunto cu Jordan Victoire, FIFA Regional Development Manager, acompaña pa Presidente di Arubaanse Voetbal Bond (AVB) Sr. Randolf Lacle, Secretario General sra. Dyane Wiersma y sr. Pancho Croes Project Manager.
FIFA y AVB a confirma cu e shete veldnan inicial ta Nacional, Bubali, RCA, Riverplate, Dakota, Estrella y La Fama. Esnan cu ta bin na remarke pa FIFA ta categoria di mucha, hoben y futbol femenino. Pronto FIFA lo t’ey bek pa firma e acuerdo pa e proyecto aki cu lo inicia na comienso di 2025.