E centro di cacho ta un parti di e solucion, bo responsabilidad ta e otro parti

ORANJESTAD - Centro di Rescate y Control lo brinda un instrumento importante pa rescate, control y maneho di animalnan riba caya y pa apoya ehecucion di Hondenverordening. 

Pero ningun centro por resolve e problema si cada dia ta permiti mas animal pa sali for di cura, reproduci sin control of bandona. Cumpli cu ley y tuma bo responsabilidad den comunidad ta nifica ser un doño responsabel.

Ley ta establece obligacionnan cla. Un cacho mester haya cuido adecuado, keda sigur den propiedad di su doño, no causa molester y ta bou control riba tereno publico. Violacion di e obligacionnan por conduci na captura, gastonan di custodia y sancion. Hondenverordening ta establece un multa maximo di Afl. 10.000 pa violacion di diferente articulo, pero e sancion concreto ta depende di e aplicacion di Ley door di autoridad competente.

Control ta necesario, pero prevencion ta mas poderoso. Cada doño por actua awe: 

  • Controla su cura;
  • duna awa y sombra;
  • busca cuido veterinario;
  • uza liña;
  • identifica su mascota; 
  • preveni agrupacion di cacho no desea. 

Cada ciudadano por raporta maltrato of situacion peligroso cu informacion concreto.

Gobierno y autoridadnan tin nan responsabilidad. Centro di Rescate y Control tin su tarea. Fundacionnan y boluntarionan tin un rol valioso. Pero e cambio duradero ta depende di un comunidad cu no ta pasa e problema pa otro y cu ta acepta responsabilidad di su propio mascota.

Sea bo tambe un doño di mascota responsabel. Cada acto di responsabilidad ta salba un bida. 

Planta amor, proteha nan bienestar y hunto nos por logra un Aruba sin animalnan bandona. Pa un comunidad harmonioso, un doño di mascota responsabel alabes!

Base legal: Hondenverordening, especialmente articulonan 2, 3, 4, 7 y 8.

Sea bo tambe un doño di mascota responsabel. Cada acto di responsabilidad ta salba un bida. 

Planta amor, proteha nan bienestar y hunto nos por logra un Aruba sin animalnan bandona.

Pa keda semper informa:

Doño responsabel