Diabierna awo nos tur ta bay bek caya edicion di Halloween

Mirando e exito rotundo di e prome Ban Bek Caya, cu a conta cu alrededor di 5 mil hende cu a sali for di cas y a bay haci compras y disfruta di e ambiente, Gobierno di Aruba, Departamento di Cultura y Aruba Tourism Authority, ta organisando un otro edicion.

Atrobe lo tin oferta special durante e shopping night. Ademas lo tin un variedad amplio di cuminda y entretenimento den Caya grandi, cuminsando na Plaza Daniel Leo te cu Djiespie’s Place sigui riba Columbusstraat y Wilhelminastraat.

Caya Grandi lo tin evento den tur skina:

• Plasa Daniel Leo: 1-OAK, DJ Devin, DJ Ramiro, special halloween Mojito happy hour di 4 pm pa 10 pm.
• Penha: Lilo and Stich.
• Happy Spot y Polo: DJ Alvin.
• Dufry: Dino Jump pa nos muchanan.
• Plasa La Linda: DJ Double R riba stage como tambe Ozone Band y hopi na food & beverage.
• Maggy’s: Diferente oferta y tambe DJ Vanessa.
• Ana Catharina (“hot spot” nobo):  Cookout, Little One, Mint, Lime & Beans, Liquid Chef.
• Plasa Pro Fashion: Actividad pa mucha.
• Aruba Trading Company (ex-Burger King): Cerbes Presidente acompaña pa DJ T.
• Plasa Cultura: Trunk Trick or Treat y DJ 297.
• Plaza Nikkie Habibe na Djiespies Place: Banda Azucar cu ambiente pa nos grandinan cu tambe por disfruta, baila y gosa.
• Plasa Comercio (Columbusstraat te na Wilhelminastraat): lo tin ambiente di I Culture Roots - Reggae Band y DJ Splash. Lo tin Dino Jump p’e muchanan, artesania  y producto local. Ademas un Tuc Tuc di Balashi.

Varios restaurant den Wilhelminastraat lo ta habri 

Universal Restaurant, El Gaucho, Pepe Margo, Taste of Aruba, Old Dutch Bakery y City Garden Bistro de Suikertuin, miho conocí como Suikertuintje.

Ademas lo tin varios tent reparti strategicamente riba e ruta den Caya Grandi y varios kiosko di productonan artesanal produci localmente. 

Diabierna awo, Caya Betico Croes bin un y tur disfrasa pa celebra hunto Halloween!