Dia Mundial di Laba Man 2026: Sea un Heroe di Labamento di Man

Riba e dia aki Departamento di Salud Publico (DVG) ta refleha ariba e importancia di laba man corecta y frecuentemente pa nos salud!

Laba man na un manera corecto y regular ta un di e formanan mas simpel, economico y efectivo pa preveni malesa y proteha nos salud, y di esnan rond di nos. 

Nos mannan ta drenta den contacto cu hopi superficie tur dia, na unda bacteria y virus por cumula facilmente. 

Pero dicon laba man ta asina importante?

• Prevencion di malesa: Laba man cu awa y habon ta elimina e mayoria di e bacteria y virusnan cu por causa infeccion manera griep y otro malesanan contagioso.
• Proteccion pa nos famia y comunidad: Ora bo laba bo man corectamente, bo no ta proteha bo mes so, si no tambe bo ta evita di pasa bacteria/virus pa otro miembronan di bo famia of bo coleganan na trabou.
• Higiena personal di tur dia: Laba man ta un habito di higiena fundamental cu ta mantene nos curpa limpi y sano.

Cua ta e momentonan clave pa laba man?

E ta hopi importante pa laba man specialmente:

• Prome cu cushina, come y prome cu mishi cu cara, wowo of boca. 
• Despues di uza baño, mishi cu superficie sushi, cambia bruki di baby y hunga cu mascota/bestia. 

Con ta laba man bon?

Pa laba man debidamente:

• Uza abundante awa y habon;
• Frega bon bo man y dedenan, tambe memey di e dedenan;
• Haci bo huñanan limpi;
• Uza ‘hand sanitizer’ cu por lo menos 60% di alcohol. Ta bon pa bo tin uno den auto y uno den bo tas.

Sea un Heroe di Labamento di Man awe y tur dia—mannan limpi ta salba bida!