Dia Mundial di Cancer di Pecho: Detecion tempran ta salba bida

Esaki ta un iniciativa impulsa pa e Organisacion Mundial di Salud (OMS) cu e meta pa crea concientisacion, fomenta e deteccion trempan y duna apoyo na e personanan cu ta enfrenta e enfermedad aki.  Durante henter e luna di october, entidadnan di salud rond mundo—incluyendo Directie Volksgezondheid Aruba (DVG) y Fundacion ABO—ta uni pa recorda e importancia di e lucha aki.  Na Aruba henter luna di october ta dedica na conscientisacion bou di e campaña “Make Aruba Pink”

Organisacion Mundial di Salud (WHO) ta enfatisa den e importancia di prevencion, deteccion tempran y cuido di salud.   

Aki tin algun tip pa yuda preveni:

• Mantene un bida activo: Haci ehercicio regularmente ta yuda baha e riesgo di cancer di pecho y ta yuda mantene bo curpa fuerte.
• Hiba un dieta saludabel: Come fruta, berdura y proteina ta yuda bo curpa keda den bon condicion.
• Haci control regular (Auto-Samina y 'Mammogram'): Corda haci auto-saminacion di pecho regularmente y bishita dokter of haci un 'mammogram' si bo tin e edad recomenda.
• No huma y no consumi alcohol den exceso: Abstene di huma y limita consumo di alcohol ta contribui significantemente na baha riesgonan di cancer.

Cancer di pecho ta afecta hopi hende muher y, den casonan menos comun, hende homber tambe. Deteccion trempan ta keda nos herment mas poderoso contra e malesa aki.

Laga nos practica prevencion, encurasha nos sernan keri pa haci screening, y para hunto pa un Aruba mas saludabel!