Despues di ocho aña, Aruba ta anfritrion di Torneo di Badminton CAREBACO Junior 2024

E aña aki, despues di ocho aña, Aruba ta e pais anfitrion di CAREBACO Junior 2024 Badminton Tournament.

Minister di Enseñansa y Deporte Endy Croes, a duna un discurso na apertura y a serve e prome ‘shuttle’ pa duna inicio na e apertura di e CAREBACO Junior 2024 Badminton Tournament. E torneo e aña aki ta conta cu participacion di 150 atleta di diferente pais cu ta participando den e categoria di U11 te cu U19. Ta trata di atletanan di paisnan manera Jamaica, Barbados, Trinidad & Tobago, Surinam, Puerto Rico, Mexico, Guyana y Aruba. Aruba ta participa cu 16 atleta masculino y femenino.

CAREBACO International ta un torneo internacional di e Federacion di Badminton di Region di Caribe cu a incia na 1972 y tabata consisti di solamente cuater pais, Jamaica, Trinidad & Tobago, Surinam y Guyana. Te cu 1999, e torneo di CAREBACO tabata un "closed event" eligibel solamente pa miembronan di CAREBACO, pero pa por haya punto di BWF World Ranking, na 1999 esaki a bira un "level 4 open individual event" cu ta forma parti di BWF Future Series. Den transcurso di añanan, CAREBACO a crece y ta conta awo cu 17 pais miembro.