Despedida di mr. dr. Hellen van der Wal como miembro di CAFT
ORANJESTAD – Despues di 2 termino como miembro den Colegio di Supervision Financiero pa Aruba (CAFT), mr. dr. Hellen van der Wal no ta reeligibel mas.
Entrante 1 di augustus 2024, drs. Marion Agunbero lo reemplasa van der Wal como miembro den Colegio di Supervisio Financiero pa Aruba.
Hellen van der Wal tin un historia amplio den e aparato gubernamental di Aruba y a fungi entre otro den nos cuerpo policial. Desde 2004 e ta traha y ta Secretaria di Raad van Advies, e tin conocemento amplio di e situacion financiero y procesonan di presupuesto di Pais Aruba, y a contribui grandemente na CAFT. Ademas, sra. van der Wal tawata hopi activo den comunidad. E tawata co-fundador di Telefon pa Hubentud y a sirbi como presidente y miembro pa hopi aña y desde 1 di augustus 2018 como miembro di CAFT.
Dia 21 di juni 2024, Conseho di Minister di Reino a aproba e proposicion di Aruba pa nombra sr. drs. Marion Agunbero como miembro nobo di Aruba den CAFT. Sr. Agunbero tin experiencia amplio den e sector financiero y a ocupa diferente funcion na Banco Central, como manager seccion di supervision y na Departamento di Finansas como director. E tabata director ehecutivo di e fondo di pension den e sector di turismo di Aruba y a ocupa diferente posicion na Caribbean Mercantile Bank N.V., na unda e tabata assistent managing director retail products. Actualmente e ta miembro di Hunta di Supervision di Caribbean Mercantile Bank N.V. y miembro di e Conseho Consultativo di Aruba, dia cual e lo tuma su retiro pa asumi e cargo nobo como miembro di CAft.
Prome Minister, den nomber di Gobierno di Aruba, ta gradici Hellen van der Wal pa tur e trabou
cu el’a desplega den CAft den nomber di pais Aruba, y ta desea sr. Agunbero hopi exito.