Cuminsando 3 di november 2025 vacuna di Influenza disponibel gratis pa tur adulto mayor di 60+, es cu malesa cronico y pashent inmobil

Personanan cu ta bin na remarca por cana drenta na Seccion di Malesanan Contagioso, situa na Avicenastraat #1 (patras di edificio di DVG), di dialuna pa diabierna, di 1:30 PM pa 4:00 PM.

Por fabor trece bo carchi di AZV na momento di vacunacion.

Vacunacion pa Individuonan Bou di 60 Aña cu Malesanan Crinico

Personanan bao di 60 aña cu ta sufri di un malesa cronico of tin un condicion di salud debilita tambe por haya e vacuna gratis, basta nan trece un receta di nan dokter di cas.

Cu e receta, nan por walk in na Seccion di Malesanan Contagioso di DVG, di dialuna pa diabierna, entre 1:30 PM y 4:00 PM.

Por fabor trece tanto bo receta di dokter como bo carchi di AZV.

Vacunacion pa Personanan cu Mobilidad Limita

Pa individuonan cu retonan di mobilidad (p.e., usuarionan di rolstoel), DVG ta ofrece un servico di vacunacion den auto.

• Esnan di 60 aña bay ariba solamente mester presenta cu nan carnet di AZV;
• Esnan bou di 60 aña mester trece tanto nan receta di dokter como nan carchi di AZV.

Na yegada, e familiar of e dunado di cuido di e pashent mester baha for di e vehiculo pa completa e proceso administrativo. Despues un enfermero di e Seccion di Malesanan Contagioso lo duna e vacunacion mientras cu e pashent ta keda den auto.

Vacunacion na Cas pa Pashentnan na cama

Pa pashentnan cu ta na cama (bedlegerig), por yama 522-4200 pa inscribi pa servicio di vacunacion na cas. Un enfermero di e Seccion di Malesanan Contagioso lo yama bek pa traha un cita.