Cuida bo salud durante dia di calor intenso

ORANJESTAD – Den bista di e ola di calor cu ta afectando Aruba actualmente, Departamento di Salud Publico (DVG) ta haci un yamado na tur residente y bishitante pa tuma medidanan preventivo pa proteha nan mes y nan salud. 

Calor extremo por trece riesgo serio pa salud, especialmente pa e grupo vulnerabel manera mayornan di edad, mucha chikito, hende cu malesa cronico y esnan cu ta traha pafo. Calor por ocasiona cansancio, zonnesteek (heat stroke), deshidratacion y empeoramento di malesanan cronico existente.

Consehonan util pa proteha bo mes durante dianan di calor:

Bebe hopi awa

  • Mantene bo curpa hidrata: bebe awa regularmente, aunke bo no tin sed.
  • Evita alcohol, koffie y refresco cu hopi sucu, nan por causa deshidratacion.

Mantene bo mes fresco

  • Keda paden durante e oranan di mas solo (11:00 AM – 3:00 PM).
  • Uza ventilacion (fan) of airco si ta disponibel.
  • Tuma douche friu pa baha temperatura di bo curpa.

Bisti paña color cla y liviano

  • Uza paña hancho, di color cla, y di tela liviano.
  • Uza pechi of sombre
  • Uza bril di solo ora bo ta sali pafo.

Proteha bo cuero

  • Uza sunblock (SPF 30 of mas halto) y ripiti e aplicacion cada dos ora.

Tira bista riba hende vulnerabel

  • Haci contacto regular cu mayornan di edad, bisiña y famia cu malesa.
  • NUNCA laga mucha, hende of mascota den auto cera, ni pa un rato cortico.

Limita esfuersonan fisico

  • Evita haci trabounan fisico durante e ora di mas calor.
  • Si ta necesario, tuma pausa frecuentemente den sombra y bebe awa constantemente.
  • Evita deportenan pafo durante oranan di mas calor

Sintomanan di malestar relacional cu calor:

  • Cansancio extremo pa motibo di calor: soda hopi, cuero ta cayente, mareo, stoma ta bira, dolor di cabes. 

  • Zonnesteek (Emergencia): temperatura di curpa halto, desorientacion, perdida di conocimiento, cuero seco sin sodo.

    ° Den caso di sospecha di zonnesteek, yama 911 mesora.

    Keda informa

    Sigui e boletinnan di tempo y informacion oficial via canalnan di gobierno of Departamento di Salud Publico. Nos ta pidi na tur hende pa cuida nan mes y otro. Cu medidanan preventivo nos por preveni hopi problema y pasa e temporada di calor na un manera sigur.

    Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw. 
     

Ola di calor