Cuerpo Policial Aruba ta celebra 38 aña di existencia

Pa e ocasion aki, Minister di Husticia y Asunto Social sr. Rocco Tjon, tambe a asisti na e Santo Sacrificio pa duna pase na e celebracion di “Korpsdag”.

Ta importante pa reflexiona riba kico a haci Cuerpo Policial uno autonomo y respeta, manera cu e ta awe. Pa ta un cuerpo respeta y confiabel, bo ta produci, bo escogencianan strategico ta corecto, y bo capital humano ta consisti di personanan dedica na nan trabou.

Durante e 38 añanan, a conoce varios cambio cu tawata inevitabel y cambio ta e factor di mas importante pa haci un organisacion resiliente. A bin cambionan den ley, maneho, material, uniform, liderazgo, strategianan pa combati criminalidad, opleiding di Polis y mas. Cambio no ta facil, pero na mes momento pa un organisacion como KPA cu ta brinda siguridad pa nos pais, cambio ta necesario.

Cuerpo Policial ta un organisacion cu ta consisti di un constelacion dinamico. Actualmente KPA ta consisti di 523 empleado, di cual 146 a drenta servicio na 2014 bin ariba, cual ta nifica cu 30% di e organisacion ta consisti di personal cu tin sea 10 aña of menos di experencia. Mirando e klasnan nobo na 2024 y e cantidad di polis cu ta bahando cu pensioen, e porcentahe di 30% lo aumenta y por yega hasta 50% di KPA cu tin 10 aña of menos di experiencia.

Minister di Husticia Rocco Tjong, ta felicta Cuerpo Policial cu nan 38 aniversario, brindando siguridad na comunidad di Aruba y ta desea cada miembro preseverancia y dedicacion pa nan por sigui tene Aruba sigur.