Cuerpo Policia a revela muraya di reconocimento special

Polis ta percura pa siguridad di un y tur. Esaki ta e tareanan principal. E trabou di polis tin biaha ta bin cu riesgo y peliger. Aña pasa y e aña aki tabatin algun incidentenan hopi compleho caminda e actuacion di nos coleganan ta rekeri gran curashi y tabata di gran significacion.

E incidentenan ta varia, e detencion ta rekeri curashi y hasta por ta peligroso pa cu e colega, rescatenan y intentonan pa rescata bida di hende. Pa duna reconocimento y aprecio na esaki, despues di un reunion special, Cuerpo Policial Aruba a revela como sorpresa un “Wall of Recognition.”

Riba e muraya aki na e oficina principal na Macuarima ta ilustra e potretnan di dicho coleganan. Despues di ricibi un reconocimento special di altocomisario Ramon Arnhem, lo  pone nan potret riba e muraya pa un aña.

Durante aña lo añadi mas potret na e muraya. E potret di e comisario di polis sra. Irma Gordon lo keda permanente presente riba e muraya como un muestra di gratitud y reconocimento pa su gran contribucion na e desaroyo y continuidad di nos Cuerpo.

E muraya ta un fortificacion di esfuerso, dedicacion y actuacion dignamente di Polis cu ta bay un “Extra Mile” pa brinda seguridad pa nos comunidad.