Cuadra Green Perspective regala na Biblioteca Nacional
ORANJESTAD - Recientemente, artista, printmaker y diseñadora di textiel, Elisa Lejuez-Peters, a regala Biblioteca Nacional un cuadra titula ‘Green Perspective’, pinta den colornan yamativo cu ta hala atencion di un y tur.
E obra aki ta duna un sensacion di bida y bunitesa bou awa y riba tera, treci den un composicion, manera 2 diferente paisahe mezcla den otro. Elisa ta traha cu diferente tecnica pa crea un composicion di patronchi, figura y forma. Un di e tecnicanan di screen printing.
E cuadra aki ta un regalo den cuadro di e celebracion di ‘75 aña di trabou di biblioteca na Aruba' cu a celebra diamars 20 di augustus proximo.
Elisa Lejuez-Peters (’73) tin su propio studio na Malmokweg 42 na Aruba, caminda e ta traha y
ta duna workshops. Elisa tin un Masters degree den Arte y a traha pa diferente compania cu ta
produci tela (Textiles) prome cu ela establece su mes na Aruba.
Por wak Elisa su obranan na diferente compania y hotel rond Aruba.
