C𝗶ta pa busca plaachi di number di auto.

Si bo persona tin un cita riba bo nomber, e ora Abo t'e unico persona autorisa cu por busca e plachinan di number.

Si Bo mes no por busca e plachinan 

Si Bo mes no por busca e plachinan y Bo kier autorisa un otro persona, esey sigur ta posibel, pero mester informa nos. Nos ta registra kende a busca e plachinan.

Pakico ta importante?

E plachinan di number ta un medio pa identifica bo vehiculo. Esaki ta hopi importante pa Cuerpo di Polis. P’esey nos ta entrega bo plachinan na abo mes of e persona di confiansa cu abo mes a autorisa. 
Nos ta estricto 
Nos ta estricto na kende nos ta entrega e plachinan. Riba dia di e cita, nos ta pidi pa identifica bo mes cu un cedula, rijbewijs of paspoort. Di e forma aki nos por confirma cu e persona corecto ta buscando e plachinan. E por ta bo casa, yiu of cualkier otro famia of amistad.

Kico mester haci?

Si mester haci cambio di nomber por sigui e siguiente instruccionnan.

• Prome cu e fecha di cita, informa nos cu ta desea di haci cambio di nomber.
• Yama nos na 522 7423 of 522 7424 of manda nos un mail na info@impuesto.aw.
• Por reply tambe riba e mail di e cita y informa nos (esaki no ta valido pa pensionadonan).
• Duna nos e nomber, number di telefon y e-mailadres di e persona cu Bo ta autorisa pa busca bo plachinan - pa nos registra e datonan den nos sistema.
• E persona cu Bo a autorisa lo ricibi un mail di confirmacion. E lo ricibi tambe e recordatorionan y instruccionnan di e proceso (esaki no ta valido pa pensionadonan).

Pa bo propio proteccion

Plachinan di number cu cay den man robes por tin consecuencia indesea. Nos kier ta sigur cu bo plachinan ta wordo entrega na Abo mes of e persona cu Bo a autorisa. Esaki ta pa bo propio proteccion.

DIMP ta gradici nos automobilistanan pa e cooperacion. Hunto nos ta percura pa Bo haya bo plachinan cu tur siguridad.