Control pisa di polis ta continua - A reparti 64 boet fin di siman den Oranjestad
ORANJESTAD - Diadomingo 12 di october, agentenan policial di districto di Oranjestad tabata hopi activo cu controlnan pisa na diferente sitio strategico rond Oranjestad.
Nos ta drentando un temporada druk di fin di aña, tur aña cuerpo policial Aruba ta intensiva su controlnan policial.
A controla den total di 160 vehiculo tanto auto y brommer.
E control a resulta den boet pa e chofernan cu a comete infraccion di trafico pa diferente motibo entre otro:
- 27 chauffeur a haya boet pa maneha auto sin motorrijtuigbelasting paga;
- 20 chauffeur a haya boet maneha un vehiculo cu plach’i number bieu;
- 17 chauffeur a haya diferente otro boet cu tin di haber cu infraccion den trafico.
E control policial aki a produci tambe un detencion di un persona pa maneha un vehiculo bou influencia di alcohol. Tambe a tuma un brommer den beslag den cuadro di ladronicia.
Trahando den ekipo cu sosten di unidad di Motor Unit a logra haci e control policial.
E controlnan policial NO lo stop. E lo djis sigui na diferente sitio strategico, diferente orario di dia. Cuerpo Policial (KPA) ta manda un mensahe cla na tur automobilistanan, nos tey e momento cu menos bo ta pensa nos ta wak. Preveni un boet halto cu e sistema di “Paga bo boet” cu e momento ey bo ta haya e boet den bo man y den un termino cortico pa paga.
Sea consciente maneha responsabel cu tur bo documentonan na ordo!