Conferencia SIDS a culmina

E file aki ta den archivo.

ORANJESTAD - Recientemente a tuma luga e di cuater conferencia "Small Island Development States" (SIDS) di Nacionnan Uni cu a conta cu riba 3500 participante. SIDS ta tuma luga cada dies aña y e biaha aki a toca Antigua & Barbuda pa ta anfitrion.

Na e conferencia di SIDS, paisnan chikito ta haya oportunidad pa trece nan preocupacionnan dilanti y comparti solucionnan y oportunidadnan cu otro.

Prome Minister di Aruba Evelyn Wever-Croes, a lidera e delegacion di Reino cu tabata consisti di Prome Minister di Corsou, sr. Pisas, Minister Plenipotenciario di Sint Maarten, sr. Gumbs y Minister di Economia di Corsou, sr. Cijntje. 

Durante e reunionnan a duna hopi importancia na e retonan cu paisnan SIDS ta confronta. E enfoke tawata principalmente cambio climatico y con paisnan SIDS manera Aruba por prepara y unda mester asistencia. Ademas a trata e tema di pobresa y recuperacion despues di e pandemia. 

Importante ta pa despues di e reunionnan, converti tur compromiso y promesa den accion pa yuda soluciona e retonan cu cada pais ta enfrenta. 
 

Conferencia SIDS a culmina