Con bon prepara Aruba ta den caso di un otro Pandemia
ORANJESTAD - Recientemente representantenan di Universidad di Wageningen Hulanda tawata na Aruba pa haci un investigacion cu e meta pa inventarisa e riesgo pa desaroyo di malesanan infecioso na Aruba y alabes evalua con prepara Aruba ta den caso di un epidemia of pandemia como conscecuencia di esakinan.
E investigacion aki ta basa riba cuater grupo di malesa infeccioso cual ta entre otro malesanan transmiti por medio di awa of aire, transmiti pa bestia (zoönosis) y transmiti pa sangura (vector borne diseases).
Meta di e investigacion ta pa prepara esnan cu ta traha riba maneho y stimula cooperacion entre stakeholders pa ta prepara riba eventual brote di malesanan infeccioso cu por surgi riba nos isla. A conduci e investigacion aki conhuntamente cu Universidad di Aruba y e resultado di e investigacion aki lo mester conduci na desaroyo di un projecto den Caribe riba e topico ‘con prepara e islanan Aruba, Bonaire y Curacao ta pa enfrenta un posibel Pandemia’.
Pa mas informacion like DVG riba Facebook @Directie Volksgezondheid DVG Aruba, Follow riba Instagram directie_volksgezondheid_aruba, subi www.dvg.aw, yama 5224200 of manda bo e-mail na servicio@dvg.aw