Comunidad ta solidario cu damnificadonan na Jamaica

Prome Minister Mike Eman a bishita YMCA na San Nicolas, caminda e donation drive a tuma luga. Completamente consciente di e impacto devastador di horcan Melissa na Jamaica, Prome Minister Eman a tene varios reunion cu e Consul Honorario di Jamaica pa sondea maneranan significativo cu Aruba por a contribui.

Un di e resultadonan di e discusionnan aki tabata e organisacion di e iniciativa di ayudo aki. E compasion y solidaridad di e pueblo Arubano tabata claramente visibel durante henter dia, mientras cu numeroso donacionnan a drenta.   

E comunidad Jamaiquino na Aruba tambe a uni forsa pa sostene nan rumannan bek na cas, yudando pa recauda productonan esencial cu pronto lo yega na esnan mas afecta.

Prome Minister Eman pronto lo papia cu Prome Minister di Jamaica pa transmiti Aruba su solidaridad y boluntad pa asisti.

Tambe el a ofrece palabranan di forsa y consuelo na e comunidad Jamaiquino na Aruba, reconociendo e retonan y perdidanan inmenso causa pa e horcan. Gobierno di Aruba lo sigui mantene contacto estrecho y extende sosten den e dianan nos dilanti. Ta gradici tur hende ku, di un manera of otro, a contribui na yuda e comunidad Jamaikino durante e tempo dificil aki.