Comportacion di pago di impuesto di vehiculo di motor di 2024

Di acuerdo cu e ultimo cifranan, e cumplimento pa cu impuesto di vehiculo di motor di aña 2024 ta mustra cu un total di 72.728 number (79%) ta paga completamente y 17.675 number (19%) no ta paga of no ta paga completamente. 

E cantidad di contribuyente cu no a cumpli of parcialmente a cumpli ta como lo siguiente:

Incumplimento                                                             Cantidad 
Pago di impuesto di e prome mita di aña 2024           6.609 number 
No a paga nada di e impuesto di aña 2024                 9.262 number 
                                                                       Total     17.675 number 

E incumplimento ta mas grandi den e plachinan di categoria A. Aki ta sigui un bista di algun di e categorianan y e porcentahe di incumplimento den nan categoria.

E contribuyentenan cu tin debe atrasa por pidi pa un areglo di pago. Pa debe atrasa di impuesto di vehiculo di motor, Departamento di Impuesto ta duna 3 luna maximo di tempo pa cumpli cu esaki.  

DIMP ta urgi tur automobilista y motociclista cu no a cumpli cu nan pago di impuesto di vehiculo di motor di 2024, pa haci esaki mas lihe posibel. Keda sin paga no ta un opcion. Na e momentonan aki e boet di 50% ta aplicabel y cuerpo policial tambe ta haciendo nan control di trafico. Un boet ta un gasto cu por evita, si un contribuyente cumpli na tempo.  

2025 ta den porta y si no atende e debe atrasa, e contribuyente aki lo mester cumpli cu e debe di 2024 prome cu por paga pa su impuesto di vehiculo pa 2025. Asina so nan lo ricibi nan plach’i number nobo.