Ceremonia di naturalisacion riba diamars 29 di september 2026
ORANJESTAD - Diamars 29 di september 2026 a tuma luga dos ceremonia di naturalisacion na Renaissance Convention Center.
Den presencia di Gobernador di Aruba, Su Excelencia Alfonso Boekhoudt, e personanan a scoge entre huramentacion of promesa por medio di naturalisacion of opcion. Cu e acto aki, nan ta declara, hura y priminti di respeta tur e libertadnan, derechonan y obligacionnan cu ta pertenece na e nacionalidad Hulandes.
Participacion na e ceremonia di naturalisacion ta forma e ultimo paso obligatorio di e trayecto cu ta conduci na obtene e nacionalidad Hulandes. E procedura aplicabel pa esaki ta stipula den e Ley di Reino riba Nacionalidad Hulandes (Rijkswet op het Nederlanderschap).
Pa mas informacion tocante e rekisitonan pa por obtene nacionalidad Hulandes, por bishita e website di Gabinete di Gobernador di Aruba: https://www.gobernadoraruba.com
Potretnan: © Kabinet Gouverneur van Aruba