Ceremonia di naturalisacion
ORANJESTAD - Diabierna 12 di juni 2026 a tuma luga dos ceremonia di naturalisacion den Ballroom di Renaissance Wind Creek Aruba Resort.
Durante e ceremonia di mainta, e naturalisadonan a huramenta of haci promesa den precencia di Gobernador Interino di Aruba, Su Excelencia Agustin Vrolijk. Durante e ceremonia di atardi, esaki a sosode den precencia di Gobernador di Aruba, Su Excelencia Alfonso Boekhoudt. Cu esaki nan ta hura of declara y priminti di ta respeta tur libertad, derecho y obligacion cu ta pertenece na e nacionalidad Hulandes.
Participacion na e ceremonia di naturalisacion ta e ultimo parti obligatorio di un proceso largo cu ta conduci na obtene e nacionalidad Hulandes. E procedura pa haya nacionalidad Hulandes via opcion of naturalisacion ta inclui den ‘Rijkswet op het Nederlanderschap’.
Por haya mas informacion riba e website di Gabinete di Gobernador di Aruba: https://www.gobernadoraruba.com
Potretnan: © Kabinet Gouverneur van Aruba