Ceremonia di huramentacion y di graduacion oficial di EPI Sector Salubridad y Servicio

Dialuna 6 di juli e futuro enfermeronan, trahadonan social pedagogico y asistentenan boticario a haci nan huramentacion.  

Diaranson  8 di juli 2026, e studiantenan a celebra e ceremonia oficial di graduacion. E aña aki, 72 studiante a gradua, loke ta nifica cu 84% di e studiantenan di EPI Sector Salubridad y Servicio a completa nan estudio cu exito.

Minister di Salud Publico, Asunto Social, Cuido di Adulto Mayor y Maneho di Adiccion, Sra. drs. Melvin Wyatt-Ras, atende e dos ceremonianan y a felicita e graduadonan pa nan dedicacion y perseverancia. El a recorda nan cu e diploma no ta marca solamente e fin di nan estudio na EPI, sino tambe e comienso di un etapa nobo cu ta pidi compromiso, desaroyo continuo y responsabilidad. E la anima e studiantenan pa sigui amplia nan conocemento, sigui crece y nunca stop di siña.

Como ultimo mensahe, Minister Wyatt-Ras a comparti un conseho cu e graduadonan:

"Cuida boso mes no ta un luho, sino un parti esencial di e responsabilidad cu boso ta asumi como profesional."

Minister Wyatt-Ras a felicita tur graduado y ta desea nan hopi exito den nan desaroyo personal y profesional y gradici directiva, docentenan, personal di EPI y tambe na famianan pa nan dedicacion y contribucion na e formacion di e graduadonan.