Celebracion di Dia di Betico na biblioteca
E file aki ta den archivo.
ORANJESTAD - Dia 23 di januari 2024, Biblioteca Nacional na Oranjestad ta cuminsa cu su prome actividad pa mucha pa 2024 cu lo tuma luga den Verteltoren pa celebra ‘Dia di Betico’.
Atardi di 3’or pa 4’or Joe Koolman lo conta e storia di Betico Croes su bida y carera, mientras Reina di Dande, Stephany Quandt lo canta su Dande ganado. Tur mucha presente lo haya treat di biblioteca cu ta chuculati di pinda cu pan dushi. BNA ta warda tur mucha y y ta urgi scolnan cu tambe kier atende, pa tuma contacto cu BNA na 528 1500 pa asina por sa cuanto mucha lo tey presente.
Biblioteca Nacional Aruba ta cera diahuebs dia 25 di januari pa celebracion di Dia di Betico y diabierna 26 di januari pa un dia di ATV colectivo.
