Casonan di trafico

E file aki ta den archivo.

ORANJESTAD_ Ministerio Publico ta yama personanan cu a cita pa presenta riba 29 di februari venidero dilanti huez di trafico, pa paga prome cu e dia ey.

Esey por online via cuenta bancario 4000905 di Arubabank bao mencion di e parketnummer. 
Por paga tambe na balie na Ministerio Publico despues di haci un cita via e website www.omaruba.com. 
Si bo persona mester presenta riba diahuebs 29 di februari, anto tin te diaranson 28 di februari tempo pa paga.

E citacion ta bin na caduca si bo persona paga na tempo.
Logicamente si en caso hende no ta de acuerdo cu e multa cu el a haya di Polis, e tin tur su derecho pa presenta dilanti Huez. 
Huez lo tuma un decision nobo.

Tene cuenta cu Fiscal di Husticia lo exigi un suma mas halto riba 29 di februari y cu por pasa cu Huez bay de acuerdo cu ne.

Cu tur pregunta por yama Ministerio Publico of mail na info@omaruba.aw.