Cambio (omzetten) di rijbewijs Hulandes pa rijbewijs di Aruba

Unabes bo persona ta bibando na Aruba/ ingezeten, bo rijbewijs di Hulanda no ta valido pa stuur/ maneha na Aruba. Bo persona mester haci cambio/ omzetten di e rijbewijs di Hulanda pa un di Aruba. Bureau Examen Rijbewijzen (BER) no ta registra rijbewijs di Hulanda.

Tin cu manda un mail prome na: ber@kparuba.com.

Pa por continua cu e proceso di verificacion y coordinacion di bo cita, ta necesario pa BER ricibi potret of scan di e siguiente documentonan. Por fabor contesta bek riba e mesun mail aki cu e documentonan como anexo/attachment.

  1. Rijbewijs di Hulanda valido y den bon condicion. 
  2. Certificacion di autenticidad / Echtheidsverklaring di e departamento di RDW. 
  3.  E documento aki mester ta:
    • debidamente legalisa cu un apostiya di e autoridad competente di e pais;
    • mester ta scan of potret di e documento original y na color;
    • no por ta mas bieu cu 6 luna.
  4. Papel di inscripcion di Afl. 10,- di Oficina di Registro Civil (Censo) (Verklaring van inschrijving), no mas bieu cu 6 luna.
  5. Identificacion valido (I.D. of paspoort).
  6. Permiso di DIMAS (Verblijfsvergunning) cu valides di mas cu 6 luna (si e ta aplicabel pa bo persona)
  7. Number di telefon.

Nota importante 
No ta posibel pa realisa un intercambio di rijbewijs den e caso cu e persona a pasa su examen den exterior y e persona ta bibando na Aruba of ta registra na Oficina di Registro Civil (Censo) di Aruba. Den e caso aki, e persona mester pasa examen pa ricibi su rijbewijs di Aruba.. 

Cambio di rijbewijs di exterior pa esun di Aruba 

Pa traha un cita pa intercambio di rijbewijs di exterior pa esun di Aruba por uza e siguiente link. Via e link aki por traha Bo propio cita scogiendo fecha y ora cu ta mas conveniente pa Bo persona.

Tene na cuenta cu dia di e cita mester entrega e documentonan original y no copia. 

Link BER afspraak: https://bureauexamenrijbewijzen.zohobookings.com/OMZETTEN

Rekisitonan:

  1. Rijbewijs di exterior valido y den bon condicion;
  2. Certificacion di autenticidad / Echtheidsverklaring original di e departamento di e rijbewijs di exterior; 
  3. Papel original di inscripcion di Afl.10,- di Registro Civil/Censo (Verklaring van Inschrijving), no mas bieu cu 6 luna;
  4. Identificacion valido (I.D. of paspoort);
  5. Copia di e rijbewijs parti dilanti y patras den color;
  6. Copia di permiso di DIMAS (Verblijfsvergunning) cu valides di mas cu 6 luna (si e ta aplicabel pa Bbo persona).

Puntonan importante 

  • Otro persona por bin haci e intercambio pa Bo persona; 
  • E persona cu bin haci e intercambio mester tin un permiso/machtiging firma pa Bo persona;
  • E persona mester tin tur e rekisitonan cune;
  • Si tin griep of tosamento, mondkapje ta obligatorio;
  • Si Bo persona no cumpli cu e rekisitonan, lo no por atende Bo y mester haci un afspraak nobo.