Cada 28 di april ta celebra e dia di Salud y Siguridad na Trabou.

1. Promove un Cultura di Respet y Empatia: Fomenta un ambiente di trabou caminda respet y empatia ta importante. Esaki ta inclui pa tene un codigo di conducta na trabou, preveni molester of disgusto, y sigura cu tur empleado ta sinti nan mes balora y scucha.
2. Mehora Comunicacion y Training riba Siguridad: Reforsa e importancia di comunicacion tocante protocolnan di siguridad. Tene sesionnan di training regular pa sigura cu tur empleado ta bon informa tocante posibel peliger, procedura di emergencia y practica di trabou sigur.
3. Inverti den Ergonomia y Diseño di Luga di Trabou: Enfoca riba crea un espacio di trabou fisico sigur y comodo. Esaki ta encera evaluacionnan ergonomico, provee mobilario adaptabel y optimalisa e ambiente di trabou pa minimalisa e riesgo di tension of lesion fisico.
4. Priorisa Salud Mental y Bienestar: Ademas di siguridad fisico, pone enfasis riba e importancia di salud mental na e luga di trabou. Implementa programanan cu ta sostene maneho di stress, ekilibrio entre trabou y bida personal, y provee recursonan pa empleadonan cu ta confronta reto cu nan salud mental.
5. Motiva Interaccion y Feedback di Trahado: Involucra activamente empleadonan den iniciativanan cu ta promove salud y siguridad. Establece canalnan pa duna feedback, nombra un comite di siguridad y realisa regularmente reunionnan pa sigura cu tin medidanan di siguridad relevante y efectivo na trabou.

Ban logra ambientenan mas saludabel y sigur na trabou pa nos hendenan na Aruba tin un bida yena cu bienestar!