Bureau City Inspector y Serlimar cu accion di limpiesa den Village

E iniciativa colaborativo aki tin como meta pa aborda e problemanan di acumulacion di desperdicio den e bario y promove practicanan di maneho di desperdicio responsabel entre e residente y negoshantenan.

E area di Village tin importancia historico y cultural pa Aruba, cu un pasado vibrante cu siguramente a contribui na e identidad unico di nos isla. Sin embargo departamentonan di naturalesa ya for di basta aña a cuminsa ricibi imagen y video cu ta indica e ciudadano su comportacion pa loke ta trata e desperdicio cu nan ta produci. Tambe a bin dilanti e necesidad pa mantencion di e area di Village. Tanto dato di pasado y presente ta indica un tendencia preocupante di acumulacion di desperdicio, causando retonan ambiental den e area y tambe un bista no agradabel pa e habitantenan cu si ta responsabilisa nan mes pa nan desperdicio y tambe pa Aruba su bishitantenan.

Minister Arends ta haci un na e habitantenan di Village y tambe negoshantenan di San Nicolas pa tuma medidanan proactivo pa asegura cu e bario keda limpi. Ta esencial pa tur residente di Aruba  tin un bari di sushi pa nan desperdicio di cas, tambe tur negoshante mester tin  bari suficiente grandi pa e desperdicio cu ta produci riba nan tereno.  

E colaboracion entre BCI y Serlimar hunto cu otro departamentonan di Gobierno ta subraya e responsabilidad comparti pa mantene Aruba limpi. Mientras Gobierno ta asumi su responsabilidad den educa, informa y brinda espacio den e fase transitorio di maneho di desperdicio, cooperacion comunitario ta esencial pa cumpli cu reglanan.

Cayanan di Village no ta bo bari di sushi. Cualkier situacion di deposito di desperdicio inadecua, raporta esaki via www.fixi.aw, asegurando accion rapido door di autoridadnan relevante.