Buki nobo pa tur mucha na Biblioteca Nacional

Biblioteca hubenil ta ofrece muchanan na Aruba un coleccion grandi di buki y tin buki pa mucha di tur edad. E coleccion nobo tin buki pa baby y mucha di 6 pa 8 aña y ta disponibel pa tur miembro di Biblioteca Nacional. Miembrecia ta gratis pa baby, mucha y hoben bou 18 aña.

Biblionef ta un instancia cu ta traha rond mundo pa stimula lesamento y laga tur mucha experencia e placer di lesamento. Biblionef ta traha pa mucha cu no tin acceso facil na buki y ta traha hunto cu biblioteca. Biblionef Aruba ta parti buki na scolnan na Aruba pa mas cu 20 aña.