Buki A Journey to Happiness
ORANJESTAD – Riba 2 di september Sr. Robertico Croes a entrega su buki ‘A journey to happiness’ na directora di Biblioteca Nacional Aruba, sra. Astrid Britten. E publicacion ta pa e Coleccion Nacional.
Autor Robertico Croes ta explora y investiga e impacto cu turismo tin riba biaheronan y e comunidadnan cu nan ta bishita y con esaki ta duna forma na felicidad y bienestar di cada individuo. Sr. Croes ta describi e beneficionan di turismo y ta samina e efectonan multidimensional riba areanan manera cultura, medio ambiente y social pero tambe e experencia individual di e biahero. E autor ta boga pa un asercamento balansa pa turismo y uno cu ta pone e bienestar di hende central den maneho y practica. Sigur un buki interesante pa profesionalnan den sector di turismo pero tambe studiantenan.
Dr. Robertico Croes, ta un profesor na UCF Rosen College of Hospitality Management. Sr. Croes tabata Minister di Turismo y Asuntonan Economico di 1994 pa 1998 y tambe Minister di Finansas di 1998 to 2001 na Aruba. Sr. Croes ta conoci tambe como poeta. Biblioteca tin ‘Potret di un cara desconoci’ (Tico Croes) den su coleccion ilustra pa artista visual Giolina Henriquez, como tambe ‘Alma sangra’ bou pseudoniem ‘Tikoli’.
Por lesa mas tocante e ‘A journey to happiness’ riba e autor su website, www.roberticocroes.com. Por pidi un copia tambe pa medio di e website aki.
‘A Journey to Happiness: Exploring the Interplay Between Tourism and Well-being’ offers a thought-provoking exploration of tourism’s profound impact on both travelers and the communities they visit. What begins as an inquiry into tourism’s economic benefits quickly expands into a multidimensional examination of its cultural, environmental, and social effects.”
Un link pa otro publicacionnan di sr. Croes den Coleccion Nacional.
