Ban biblioteca den vakantie!

ORANJESTAD - Biblioteca ta yama tur mucha bon bini den vakantie grandi! 

Pelicula den aire liber

Durante vakantie escolar biblioteca ta pasa, tur siman, un pelicula (cartoon) riba e screen grandi den su teatro den aire liber. Tanto na biblioteca na Playa como su sucursal na San Nicolas. Riba programa di pelicula den aire liber tin: Moana 2, Zootopia 2, The Super Mario Galaxy movie y Hoppers. 

Workshops creativo y Buki di Pret

Biblioteca tambe ta participa den e programa vacacional di Buki di Pret. A reparti e bukinan na tur scol basico. E actividad di biblioteca den e programa aki ta dos tayer pa pinta bo mes T-shirt. Un tayer na Biblioteca Oranjestad y otro na Sucursal San Nicolas. Cupo ta limita, asina ta mayornan, inscibi e yiu pa e no perde e chens aki! 

Arte y Cultura

Pa esnan cu ta interesa pa descubri algo nobo y diferente, ta ofrece un bunita exposicion di Velvet Zoe Ramos cu ta den sala di actividad na Biblioteca Oranjestad. 

Miembrecia gratis te cu 18 aña

Biblioteca ta ofrece miembrecia gratis pa baby, mucha y hoben bou 18 aña. Esaki ta habri un mundo di buki, storia y informacion den diferente forma, tambe Ebooks y audiobooks. Miles di buki ta warda pa e mucha y hoben bin descubri y explora! Tambe biblioteca ta ofrece espacio pa studia, siña, topa y reuni, computers cu Internet y Free WIFI. Ademas tin espacio pa diferente evento y exposicion. 

Mas informacion y orario 

Biblioteca ta habri di dialuna pa diabierna. Tur actividad di vakantie ta gratis. Pa fecha y orario specifico, por fabor bishita:

Biblioteca ta habri di dialuna pa diabierna. Biblioteca tey pa bo tambe!

Biblioteca ta yama tur mucha bon bini den vakantie grandi!