Baki den Bario na Bubali riba diasabra 11 di october.

Prome Minister mr. Mike Eman conhuntamente cu tur stakeholder encarga cu e proyecto di Baki den Bario a anuncia e siguiente area asigna pa e accion di recogemento di sushi. 

Den e evento aki, gobierno ta pone bakinan grandi caminda habitantenan por deshaci di nan sushi di cas na un manera structura. Serlimar y City Inspector ta encargi pa coordina pa e evento aki.

E containernan lo ta poni na veld di Bubali for di 7:00 AM pa 11:30 AM. Ta invita e comunidad di Bubali y vecindario pa diasabra awo pa asina por deshaci di sushi den e area aki.  

E compania Karentra  tambe ta forma parti di e accion aki,y ta encarga cu recogemento di azeta. A menciona cu e por ta azeta di cushina, di auto cu ta un causante grandi pa e sistema di riolering y pa es motibo e compania aki a keda encarga di recoge e desperdicio di azeta tambe durante Baki den Bario.

E accion ta inicia for di 7:00 am pero a tuma nota cu na mas di un ocasion e comunidad ta presenta den oranan hopi mas tempran cu esey. E bakinan lo ta disponibel tempran y lo tin personal cu lo coordina e accion pa buena marcha. 

Durante conseho di minister a haya aprobacion riba solucion permanente pa e problematica di desperdicio den bario. Hunto cu Minister di Turismo, Transporte y Labor, Wendrick Cicilia y ATA a logra aprobacion, caminda tin cu bay aloca fondo pa seis localidad permanente den bario. 

Diferente container permanente posiciona, naturlamente cu vigilancia pero mas cu tur cos accesibel na e comunidad. Una bes esaki ta na vigor, por cuminsa elimina e accion di Baki den Bario.